Schwobabluat
Bischt a richtigs Schobamänndle ?
Hoscht an Tropfa Schwobabluat ?
Hoscht fer o'ser Schwobaländle
Ebbes übrich? sell wär guat !
Oder Moischt, des müescht verachta ?
Alterle, Alterle no hätts gschellt !
no wärs om dein Hirakaschta
Freile, freile traurich bstellt !
s' Gmüatlichsei ond s' Lustichsei
Des steckt o's schao em Bluat,
Wenn d' Kirbe isch, wenn d' Kirbe isch,
No lupft dr Schwob sein Huat !
Mit vierzig wearnd mir Schwoba g'scheit,
Des wois an jede Kend:
De andre dia send liadrich dra,
Die bleibet, wia se send !
Mei Schwobaländle isch mein Stolz,
Mein Freid, mei Sonnaschei !
Und dass a Schwob i be, uf des
Bild i mir ebbes ei !
(August Lämmle)